墨守成規

昨天連續上了三堂共四小時，下課後居然頭痛發冷，唉~~看來我的傷風快要演變成大殺傷力和高致病性的感冒！仲要不知病幾耐先弊。上Numerical Skills時Raymond Sir又宣佈了一些令人黯然銷魂的消息，就是下星期仲要交功課同埋有一次兩小時小測和一次補課。

開始踏入最後兩個星期都唔駛將我地的時間、精神、肉體都搾得一乾二淨？實在太豈有此理啦！

所以，我決定在此數臭呢科！

首先，呢科簡直可以用霸道來形容！佢只不過作為一科通識，工作量居然比專門的選修科多一倍！一個短短的十四週(一個學期)之內要完成兩份功課、兩個所謂小測驗，加埋都只係得50%，而且仲有一個50%的考試，即係你多麼的努力地用功完成前面功課測驗而忽略了考試或者考試唔合格都要拜拜！我就係因為上年考試唔合格弄致今年重讀的田地！又要再面對一次痛苦的折磨。佢唔諗下第十四週仲要交功課會影響學生溫習考試，而且我仲有三份期終論文要交，每份索字3000。咁0既安排簡直失敗！


第二，呢科真係冷血，完全不顧學生感受，第十四週過後本來仲有一個星期給學生準備和溫習。今年因為WTO世貿會議的關係改早左考！即係得番三至四日休課。呢科居然係呢個休課期間要求學生番來補課！又一個豈有此理，你以為淨係得你一科要考試呀？簡直離晒大譜。本人今個學期有四科要考試，一小時的補課對我的影響根本唔小，佢補課為咩？原來係因為未教晒，而且考試會出，希望仲有時間可以填鴨你！嘩，你當我數學天才呀，可以幾日內就頓悟，理解都要時間啦！呢科係數學，唔係中史呀。咁你話係咪冷血。


第三，呢科完全變態，執行的政策、方針墨守成規，完全非人性化，當我地同機器無分別！唔單止安排測驗的時間差，而且所有的通告包括交功課都係前一星期左右通知！家陣玩驚喜定突襲呀？完全有驚無喜，俾佢嚇死！無啦啦知會要交功課，咁人地本身有簡報要做，有論文要交，一下子俾佢搞亂晒啦！乜呢科的協調咁差呀，雖然有位好心老師，但係都無用，個制度太爛，搞到0的老師俾學生的回應就只係「呢0的係專上學院的政策，我會儘量幫你地反映！」，真係狗屁不通，仲話希望學生可以給予多0的意見，我地的意見反映左好多次，佢就意見接受，態度照舊！老師就只好做磨心，呢科真係令人非常失望。


有時我都唔知道呢科係想我地理解明白還是想我地死讀書。做完指定的數學問題居然沒有答案「對」，同老師反映就只換來一個「答案不可以給學生，最多你可以個別地將你完成的題號私底下給我，我再給你一個答案」的可愛回覆。難度學生不能做別的題目溫習？做數溫習一定要有答案先可以知道自己有無錯，這種既小家自私又偷偷摸摸的方法令人討厭。難度不能大方公開地給學生自修？我真不認同這種留起做考試測驗題目的心態！


此外，我還記得三星期前詢問老師可唔可以取消一個測驗以交功課取締，佢就話要同其他老師商量而且仲要得其他大部份同學的同意，試問有那個同學會認為交功課的壓力比測驗大？更何況那種事(測驗)來先通知的壓力，真係非筆墨所能形容。結果就是沒有回覆的情況之下在昨天已經宣佈下星期測驗！這是非常不尊重學生的，將我地意見視之如無物。難度一定要用測驗來決定學生的能力？沒有折衷的方法嗎？特別是第十四週小測的安排，考試在即，小測的意義還有嗎？目的何在？


另一方面，考試的範圍包括了整個課程，可是教學的進度卻一直追不上考試範圍。以為學校吸收了上年的經驗然後改善。今年課程雖然修改，但只是比重上的轉變，整體來說仍然重量不重質！學的不跌反升，壓力非常大。上lecture時基本每個課題用一課時間，第二課就教新的！我不認為所有學生的吸收能力如此驚人，可以上一堂就學會靈活運用！而且較深入的課題和理論所佔的時間根本不足以令學生明白！同學雖然反映了課程緊密，需要修改，可惜校方都最後的答覆卻令人失望而回。為此我感到非常憤慨，我希望學校真係要正視這個問題，增加課程彈性，不要再把學生當作機械般操控、玩弄。