《不覺畢覺》 完整版

還記得五個月前幫Henry拍片，雖然所雖時間不多，卻要通宵趕戲。

上星期六終於收到《不覺畢覺》的完整版，雖然自己一早看過但一直未得到男主角Hugo和大導演的准許作網上播放。直至昨天終於有突破性的發展，我終於取得獨家網上播放權！

以下就是花費了超過250小時拍攝和製作的足本短片，故事內容講述Jack(男主角飾演)與Jack的母親(男主角親生母親)一段平衡宇宙的經歷，當中出現的不同結局正好反映我們要對身邊的人和事都珍惜。

個人來說，我是非常喜歡這個劇本的，因為主題清晰！而且我覺得家人其實對自己是最重要的。拍的時候雖然辛苦，(導演要求高)但出來的效果真是不錯！儘管有改進的地方，卻不失為一個好的開始和嘗試。現在送給大家，我們100%本土製作，《不覺畢覺》！

勤勞的牛仔里奧 (二)

事發時間：七月廿二至廿七日
事發地點：灣仔、銅鑼灣、香港大學圖書館
事發心情：持續高漲
情緒指數：偏高
目擊證人：Horace, Henry, Hugo, 純情Karen, Ceci
事發經過：

22/7
約左Henry同Hugo去智能中心領取新身份證...個樣影得怪怪的，真是後悔拍照當天gel左頭去影相...完全不自然。之後去左唱k，好耐無同你地去唱k，雖然唱左一陣但好開心呀！後來在Henry家玩我從未贏過的酒店大亨，今次終於排第二啦！^^ Sorry啦 ，要hugo破產...下次一定要搶到總統酒店的經營權！

23/7
在家休息一天，養足精神，星期一開工。

24/7
大食會好開心呀！成班同事各自整不同的食物，有沙津、意粉、菠蘿腸仔、三文治、咖喱魚蛋，同埋我整的雞翼。YEAH...飲杯！

25/7
臨時接到新任務，到一樓的影視資料庫清理架，五樓嚇死人的四庫全書可以暫停一下清理！我一日清理34個架...簡直是難以置信，我累到傻左！

26/7
一樓的清理任務完成，繼續五樓嚇死人的四庫全書。不過好慘呀，整層大部份放四庫全書和特大書籍，想不到有好多一個人都拿不起的書...都不知怎樣清理才是。

以下是大食會當天的情況

靈光一閃...走了

由於之前電腦設定出錯令到我要重裝電腦！白白損失了好多自己的創作，回想起來真係心痛，冇左大約十五篇呀！。故此，星之克斯總店《愛的疑惑》系列需要暫停發佈一段時間。現階段只會發表至第二十篇。

寫作是需要靈感的！現在面對重寫真係好灰...

勤勞的牛仔里奧

事發時間：七月十一至二十日
事發地點：香港大學圖書館、家
事發心情：又高又低
情緒指數：大上小落
目擊證人：Horace, Henry, Hugo, Karen...
事發經過：

點解我成個星期無寫日記呢？因為老子(Horace弟的口頭禪)忙得不可開交！

14/7 正式安裝網上行寬頻，我脫離了56k的行列啦~~~
12/7 不斷地清理書，終於塊面出現了一粒不是暗瘡的東西，久久不散，我毀容了！
15/7 朋友仔Herus隻熊仔鼠"白白"死左...唔係咁開心~~
17/7 帶左UNO同同事放break玩，大家笑到傻左！回家打魔獸世界！
18/7 與同事混熟了！Horace, Karen, Henry, 亨, 姍姍, Karen, Yvonne, Candy, David。我成立了零食基金，有7元進帳。家中電腦壞左，損失百分之十的資料。
19/7 病左請假！有人上來做人口普查；電腦維修成功，再打魔獸。
20/7 帶左UNO Heart同同事玩，商討星期一開大食會；電腦又再死機！終於發現因為裝左寬頻出事，緊急維修後又無事啦！

事後心情/難忘事：終於簽左兩個月約喇，不過阿媽同我約法三章，上繳中央五成。
今日金句：一百歲唔死都有新聞。

新的一天

事發時間：上午九時至六時
事發地點：香港大學圖書館
事發心情：開心
情緒指數：一般
目擊證人：成班同事，Henry，Hugo
事發經過：

第一天番工，早到半小時。等埋Henry和Hugo之後就正式開工。雖然只係負責抹書，但做左八小時對手都有少少酸痛呀！最慘就好多書都厚到好似字典咁，又重又大本，又要抺得快同乾淨。搞到變左機械人！

食lunch時終於可以同一班同事傾下計...誰不知個個都只係16-19歲。唉~~我係最老的。合約同員工證仲未有，出入都好煩，成人要打攪人，真係唔好意思。

事後心情/難忘事：非常期待八月一日大家一齊返工搵錢！

今日金句：一日之計在於晨，一生之計在於勤！

重過正常生活

事發時間：上午十時至六時
事發地點：太古城UA、家
事發心情：開心
情緒指數：高
目擊證人：家人
事發經過：

同屋企人去睇加菲貓 2 早場，晨早起身瞓唔夠，不過都笑得一餐。今集的加菲貓比上集少了一些笑位。開場較悶，但中段開始都可以接受。好耐都無成家人一齊去睇戲啦！其實比較開心的是與家人在戲院等開場時，感覺與之前成家人去泰國遊玩無分別。

下午在家與弟弟下哈利波特巫師棋。嘩！想不到巫師棋非常好玩。雖然規則與國際象棋無分別，但每隻棋都好漂亮，我與他2比2打成平手。【玩具反斗城巫師棋只售129元，非常超值】

傍晚清理雜物準備為電腦安裝寬頻。唉~~打掃三小時，汗流浹背，一陣男人味...好苦... >.<
事後心情/難忘事：這次是我第四次與母親入戲院睇戲

今日金句：每天打掃不可少！

義工加菲貓

事發時間：上午十時半至二時
事發地點：靈光中心、太古城
事發心情：開心
情緒指數：高
目擊證人：成班失明人士和娘親
事發經過：

哎呀！今日又起唔到身，未食野而且個頭仲有d頭，去到靈光中心又遲到，真慘。幫失明長者做健體操的時候好開心呀，同佢地一起做運動，原地踏步，揸膠圈、皮球等等。

做完義工便約媽咪食午飯再去戲院預售門票，準備聽日成家人一起去睇呀！

事後心情/難忘事：好期待聽日的加菲貓 2

今日金句：早睡早起身體好！

會友

事發時間：下午一時至十時
事發地點：堔水埗、旺角、太古城
事發心情：開心
情緒指數：高
目擊證人：Michael
事發經過：

今日約左重慶交流團時結識的同學出來聚舊。Michael剛剛在歐洲完成37日的自由行，今次見到佢真係好開心呀！我地一邊吃飯一邊傾計，而佢又帶了2500張歐遊拍的照片，令我大開眼界。

在高登買了新的web cam呀！唔知幾時可以玩呢？

事後心情/難忘事：我都想去歐洲玩呀！

今日金句：儲錢是人生大計！

食盡香港島

事發時間：下午四時半至十一時
事發地點：金鐘、中環、灣仔
事發心情：興奮到暈
情緒指數：高到爆機
目擊證人：Jolene
事發經過：

話說自己搵到份part-time做，下星期開工，做足兩個月都幾辛苦。同一時間又聯想起仲有兩個月就exchange的jolene，即興地叫佢放學出來陪我。成日落旺角又悶，於是就帶左佢做有益身心的活動，行香港公園！

雖然今次無入觀鳥園，又無去溫室，但我地都唔放過影相的例行公事。之後又徒步行去中環，入置地廣場過冷河，又到石板街參觀。到三聯書局睇書，一邊行一邊傾計。去灣仔之前再去蘭桂坊一趟。到灣仔後又上電腦城睇電腦產品，接著去元氣醫肚仔，跟住再行一陣電腦廣場再去許留山食糖水。

事後心情/難忘事： 兩年時間大家都成長了不少！

今日金句： 少運動，多病痛！

POKKA CAFE與鬼域

事發時間：晚上七時半
事發地點：銅鑼灣、旺角
事發心情：開心
情緒指數：高
目擊證人：小學同學，Van仔
事發經過：

今日夜晚七點約左小學同學出來聚會，到左銅鑼灣中級西餐廳Pokka Cafe食晚飯。呢間餐廳我成日都經過，今次終於有機會可以試一次。席間見到港姐葉翠翠與好友光顧，而且座在我們的後方。已經差不多兩年沒有見過小學同學，雖然今次比上次人數較少，但我們都很開心，最後還有大合照！

飯後約左Van仔到旺角百老匯睇鬼域，李心潔的演技不錯呀！劇情本來有深度，不過做得太明顯。看罷會發現鬼域並非純粹一部鬼片，後段劇情與逃亡片沒有大分別！我認為整體營造氣氛可以，音效的配合得宜，觀眾容易入戲、有幾場戲有特別強的壓迫力。連坐在隔離的女士都看到大叫！不過好似嚇我多過俾電影嚇親！

事後心情/難忘事：
各位讀書的讀書，工作的工作，有些甚至已經到外國發展，做生意等。的而且確是各奔前程。看來我都要繼續努力！

今日口頭禪：好驚呀~~唔敢望！