醒覺

如果唔係jolene提醒我，我都忘記了原來自己有一段時間無寫blog....今日終於有時間更新啦！

我好開心呀！因為最痛苦最忙最難捱的兩個月已經過去。希望快d到聖誕節啦！我想同你地一齊去海洋公園狂歡。

嘩！回想起來，呢個月係我人生以來最多體會之一個月！可能我的工作狂性格迫使我每天都忙於整powerpoint、寫paper、開會，搞到連唔開心的時間都抽唔到，所以你地唔多察覺我的情緒是好down。

講真一句，我會唔會借工作來忘記痛楚？其實面對一個一無所知的前途是好害怕的。我唔知自己能否繼續讀書，但我清楚自己現在已經博到盡！有時覺得自己是否應該放棄？讀書適合我嗎？尤其是一個唔信任自己的人在我最需要支持的時候揮手而去，仿佛雪上加霜、火上加油，令我在這段難捱的時間更加辛苦！

到了現在，繁忙的工作過去了...短暫的稍息開始令我醒覺一些以前我珍惜，尊重和保護的人或事在這刻原來已經不再重要，當你投入越多，失去越多；期望越高，失望越大。還記得同阿kit開生日會的那天就是我這個月最快樂的。大家的歡笑聲可以令我忘記繁重的學業和不開心的事，有時真係想你地無時無刻在我身邊！我唔怕阿kit搵我笨，jolene拉著我係咁講「喂呀! 喂呀!」同埋tiffany流口水的睡公主形象。只要大家可以成日笑就已經好滿足，而我也會珍惜的！

諗深一層，朋友才是我最需要的，真係一個也不能少。

呢期我家中播放率最高係天之驕女呀！非常清楚講到一班忙到爆機的人的心聲...

你又點睇呀？