趕戲煞科

今日雖然唔駛返學，但下午要回校開PMC會議，一個學生向學院表達意見的機會，身為學生代表的我就當然將自己和同學對學院的睇法見解原原本本地發表.......不過呢d嚴肅的會議我仍是遲到半個鐘......我真係唔爭氣.....>_<

之後六點半上到HUGO屋企繼續拍片，今次我地決定一次過將所有未拍的都完成，結果發現有四十幾個鏡頭要拍！Oh My God，咁樣拍法咪通宵？.....無錯，為了儘快完成，我地通宵趕戲，終於拍到凌晨五點半先完成九成室內境。

大導演Henry的要求非常高呀！每一場要拍十幾個鏡頭，每個鏡頭又要拍十幾次！ 本來有一場母子吃飯戲，開頭拍時d飯餸都好熱和出煙，d飯好香呀！但點知拍食飯戲唔可以食飯，男、女主角拿著碗飯有得睇無得食，真係慘。而我不斷拿出收音咪收音仲累.....果然不是優差！如果我不是做義工而收錢，怕且大導演幾個星期都無啖好食！ 凌晨時份，男主角要拍一場流淚戲，不過男主角太少喊，無眼淚，結果眼藥水上陣。但係大導演每個鏡頭拍幾次，搞到男主角滴廿幾次眼藥水呀........仲滴到眼痛！真係為藝術犧牲。

五點半的時候，大家都爭取個半鐘的休息時間，因為七時半要拍外境。但大導演卻無不眠不休地為下一場外境度拍攝角度，非常專業呀！為左自己份期終功課可以咁努力，我呢個學期都唔應該放棄呀！ 七點半的早上，在室內拍最後一場母子抱抱戲，我居然客串抱埋一份呀！哈哈，不過呢場戲鬧出不少笑話.....原來抱抱都有學問呀.......男女主角抱抱的NG次數是歷來最多，過程太搞笑！呢套片叫平衡宇宙，怕且我有足夠笑料拍番套「搞乜鬼平衡宇宙之炮台山(斷背？？)」。

外境戲實在太好玩，沿途行人不時圍觀，加上下雨天切合母親撞車的主題(天雨路滑，易生意外！)。呢場撞車戲簡直係天時地利呀！(唔駛人造雨)，話說女主角俾車撞死，我們本身準備了血漿同車，不過後來可以用間接的手法表達出來，故此撞車吐血變左在街上碌橙！我地準備了十六個橙然後在斜的行人路上拍攝，d橙由街頭滾到街尾，有d執唔切滾到大街報銷了.......這場碌橙戲成為我地這套片的煞科戲！ 以下是當天的拍攝花絮

忙到我傻

呀！好慘呀~~~我溫得好慘呀~~~聽日有一份MassMedia的功課要交，而且有兩科Mid-Term Quiz！我一定溫唔切呀......唉~~~D功課測驗放在同一日，佢地想點呀？現在我只有選擇放棄Art of Helping 的分數.....

美味難忘的法國餐

我一直都喜歡食法國餐，因為佢的氣氛好好，唔駛趕頭趕命咁食！加上我出名食野慢.....法國餐就最合我口味。媽媽的朋友最近自資在銅鑼灣時代廣場對面開了間私房菜法國餐廳，今次在開店前請我們去試菜！今次好開心呀，有得吃個飽。

法國餐包括前菜、湯、主菜、甜品，每樣食物都好講究，而且是食完一樣再上一樣，我們八時入座，一食就食左三個半鐘呀！食個主菜用左成粒鐘，甜品又半粒鐘！我約左HENRY同HUGO十點鐘拍片，結果都遲到呀！只係拍到一點半左右就要走！今次試菜係我一生人中全部食物由外國入口，特別是鵝肝同和牛呀！D牛味非常濃，比起扒王之王好十幾倍！肉質鮮嫩，厚度適中，又有口感，彈牙，調味的醬汁更令牛味大量散發出來，加上餐前一杯紅酒，簡直係一生難忘......

而我最鐘意的一道菜就是甜品，櫻桃雪糕，櫻桃比士多啤梨更香更甜，配上雪糕這個冷冰冰的甜品真是一絕。真是一吃難忘！媽媽的朋友說今餐每人盛惠三百六十元正，聽罷嚇壞了我們。實在太貴了......這更顯得今次試菜的珍貴.......以下的照片就是當天拍的！好懷念呀.......^^

快樂到中午

星期六的早上

約左Henry和Hugh拍片，Henry帶左好多拍攝器材呀！我的職責就係打燈同收音！以前在中學的戲劇學會都負責燈光，嘻嘻，而且幫學校在校際戲劇節攞到舞台效果獎！yeah....今次可以發揮所長....好開心呀！如果你份功課得高分唔好唔記得我同Hugh呀！唉......不過我又遲到....搞到大家拍的時候趕頭趕命....真係唔好意思！

今次Henry的題材好似係平衡宇宙！看似哲學，其實講母子情...Hugh做男主角呀！而Hugh媽咪就順理成章做女主角。不過監製兼導演既Henry真係唔得呀！只係得一份劇本......咁俾邊個用呢？。之後吸取上次幫我拍片的經驗，每一節/場戲都有拍多兩三次，即使一次「GoodTAKE」都拍多次保險D！今次雖然唔夠時間拍，因為我下午有事做，所以我當時好認真，不苟言笑，就連Henry都成日講，我好快拍完！其實我唔係嬲你.....只係緊張遲到會Training唔到，而且如果我唔係遲到，可能可以準時完成.....所以係我的問題！

以下就係當時的情況！聽講之後我仲要幫佢係街拍撞車戲！阿媽俾車撞？到時我會再為大家報導多D！

惡夢的開始

星期六的下午

係未食野的情況下趕頭趕命去鑽石山的盲人中心做義工。上次的訓練因為我要做學生代表開會而改左今日下午...點知拍片遲左半粒鐘！當我到的時候生日會差唔多要開始啦！真激氣，訓練唔到唔係問題，但歐姑娘(該中心的工作人員)就罵我！「我最憎人遲到...」之後叫我只可以觀察，唔可以參與。








接著整個下午的盲人生日會總共有30多位失明會員出席，而義工都有30多位！場面好誇張呀。生日會開始！首先就係有幾個遊戲，傳搖鼓、拾下拾下和十兄弟。拾下拾下呢個遊戲係要義工拿著個大膠袋俾會員用手搵一些主持指示的物件，如乒乓球、鉛子筆等....遊戲期間，0個位歐姑娘走過來話我地太慢，成日輸比其他組，又係度手指指，話我地唔幫會員搵埋俾佢地！豈又此理，幫佢地搵咪出貓？咁樣玩法遊戲就無意思！拿第一都無用。

十兄弟是每組有十個氣球，在不准以雙手拿著的情況下，需要以最短的時間由起點帶到終點。當到我地組的時候，0個位多事的歐姑娘又走來搞破壞，又話我地要太慢，唔好傾咁耐。喂！唔駛要時間商量對策呀！一組比一組快，我地唔同d失明會員商量點得呀！由我地話事咪即係睇低佢地能力？跟住仲手指指叫我上前面帶住他們！又一個豈又此理，已經有兩位義工係前面啦！應該有個打尾陣呀......而且要我聽你指示？你又唔係我地組.....我忍佢.....

之後生日會的重頭戲生日歌、生日禮物、大食會開始。席間我要不斷幫會員送上食物，眼看會員豐富的食物，自己連早餐都未食！又已經四點左右，真係想食埋一份。後來先知，原來義工有三文治作酬勞，咁都好d......當我將最美味的三文治送向口中時，有三位女義工走來我身邊，她們都是中六生，其中一位更主動向我說中間位女同學話「我好靚仔」！想攞我電話！......啊.......當前呆了........時下的年青少女真係非常主動.......咁當然就係交換電話啦.......hehe......^^

生日會過後我負責帶一對失明情侶到地鐵站坐車走，沿路和她們傾計知道好多失明人士的體驗。對我今次的功課終於有些幫助.......看看手錶，時間六時半，我又有另一個約會啦！~~~

驚險萬分

約左Herus在天水圍西鐵站等，點知又一個誤會，結果佢係輕鐵站等我......唉~~可能我太累的關係.....今日做左太多野啦.......

之後同佢去左睇「搞乜鬼愛情爛片王」，呢套戲不知所謂，完全唔好笑之餘仲係白癡的三級片！一個字：「爛」....各位唔好浪費有用的金錢去看！我依家好後悔0個個半鐘的光陰就咁去左！睇完戲已經谷鬼氣.....點知文兄仲要帶錯我坐車！坐錯車都算.....之後仲撞到兩個便衣拿著電筒查我們身份證！唉~~~我0個樣咁純品都要查.....我諗佢地一定係剛才間失明人士中心走出來的！開完生日會應該早D返屋企啦！阻鬼住晒......

正當大家無晒心情的時候，出西鐵月台坐扶手電梯時，豈然俾我遇到只有電視先出現的情節！當我和Herus坐扶手電梯到中段時，我的正前方有位中年婦人失足在扶手電梯的上方滾下來，而且推倒後排的扶手電梯人士，總共四人一起滾到我前面。當時我本能反應是出手擋著，怎料四個人太重，連我也被推倒。弊！即時站不定，要跟著滾下去啦.....好彩突然有位男士用手在我後方托著，而且右邊的Herus出手拉著我，最後都無跟著滾下去，可是自己背包給「人球」滾到了不知何處。當時情況危急，突然有人按下「停止」制令電梯急停，才令人球停止滾下去，不過已經太遲，有五六位乘客推倒在電梯中。事後我在人球中找回自己的背包，月台職員問我有冇受傷，我只好答沒事......不過今次難得的體驗令我明白乘搭在扶手電梯時要靠右企穩.......>_<

我要休息呀！

今日十二點半落堂之後繼續到電腦室整海報...我地四個簡直做不停。最後在短短的二小時之內大功告成！以下就是上完堂後同英文科老師KATE的合照.....睇睇下先發覺當時因為太累無表情！如果可以再拍就好了！












下午四時先有時間同阿Kit, Miyan, Simon去食Lunch。一盒沙津，一個雞翼蛋麵，一杯凍華田....呢個組合雖然不外如是，但對於當時的我來說，這是最美味的。

食完lunch仲未可以返屋企....之後約左Tiffany去石硤尾的盲人輔導會和路德會盲人中心參觀和觀察失明人士。不過Tiffany好快就因事走先，我只會坐在中心玩自閉.....不久有位職員問我是否家屬，我接著表明自己想做義工。跟住她異常迅速地遞了申請表格給我，而且五分鐘之內就給我會員義工證。然後她好客地帶著我四周參觀！參觀之後就完成了一天的辛苦工作，然後搭半小時地鐵回家。

雖然如此，可是我聽日有一篇1000字的文章要交，而且仲要8:30上堂！OH MY GODDDD..........

意式生活

今日中午回校做海報，做到三點半左右完成了接近一半以上，看到我地辛苦的努力開始有成果真係好開心呀！所以忍唔住要同佢映張相。












晚上同Herus去左食法國餐......之前已經食過一次，今次好似比上次更好吃呀！尤其是帶子呀！不過，甜品火焰雪山就同上次一樣，食到尾的時候好苦呀！差d苦到喊！

加油~~~

今日八點半上堂...雖然11度的天氣令我遲左起身，但都可以準時出門口！哈哈~~相比起阿妹要兩粒鐘的時間，我可以用短短的廿五分鐘完成，真係好好多。不過唔知做咩事，大塞車呀！巴士係銅鑼灣滯留左廿分鐘，結果又無奈地遲到！

下午英文堂有模擬面試，我好不幸地要面對一位老外教授！唉~~佢既口音簡直想殺死我，我完全聽唔清楚，之後我仲要不斷問佢可唔可以重覆條問題......真係無面...... >_< 最後佢問我最差的性格是什麼？我居然照直答佢"我覺得自己的時間管理唔係咁好，成日遲到！" 跟住佢係咁笑住追問我為什麼會遲到同有咩方法改善！臨走時佢坦白地話我知我不被取錄！ >_< 天呀~~~原來太誠實會無書讀的！ 面試後就同阿Kit, Simon, Miyan開會！我地要兩日之內完成一張海報！大家都好努力咁搵料，最後做到十一點半先走！經歷左成日忙碌，好累呀。而且仲只係得9度......我好掛住自己張床同個"鼠鼠攬枕"！ 備註：花了兩個月的時間，終於完成了屬於自己的新MusicPictureVideo，呢個已經係自己第四個MPV！也是第一個可以出街的MPV(之前的MPV實在製作太差，不會公開的......只有最親的才看過......)。 你地睇完記得俾意見呀！不過因為容量和速度問題，質素會較差.....請勿介意 MPV: Life is Viva