生活就是體驗和學習

事發時間：2016年7月5日 (星期二)

事發地點：北角、律敦治醫院

事發心情：七上八落

情緒指數：一般

目擊證人：媽媽、爺爺、嫲嫲

今日繼續去上手機應用程式課程，唉~~~真係唔簡單...一堂3小時，我卻不停反覆睇完又睇，結果用了4小時。一堆C++的電腦語言在我腦海中交戰，搞到小弟頭都大埋。俾張戰場的相片大家睇下...哈哈...無錯！上堂係要食糖，唔食D嘢，之前就試過「鐘」眼訓。我要提神！大家有咩好建議？

之後去律敦治醫院探爺爺。爺爺15天前由澳門玩完回港後個心同條腰有刺痛的感覺，結果入左急症室。照完仲即日入深切治療，原因是心臟有一條主血管撕裂，有血液從裂口流出形成血瘤。由於爺爺有發燒，所以需要即時處理。輸了數包血急救和控制血壓後，現在仍在治療中，上星期已經轉回普通老人內科病房。爺爺的生活習慣太急，行路急，進食急、而且有時會勞氣，血壓太高了，所以年紀大了血管壁薄了，容易出事。

各位香港人生活太急促了，如果你曾到外國旅遊和生活，應該明白生活是享受每分每秒，而不是趕住投胎似的一直衝衝衝。白活一輩子就無意思啦！我哋可以嘗試慢活，行慢一點，進食慢一點，說話慢一點，細味人生。

(謎之聲：居然叫人學你，食餐飯都要成粒鐘！)
(回：至少我無胃痛的問題呀！吹咩~~~~)