事發地點：家
事發心情：無奈
情緒指數：一般
目擊證人：家人
捱左成個月，嚴重體力透支！長期補充唔到精神令自己抵抗力下降。昨天抺書時被冷氣吹一吹...跟住就頭痛發燒！最慘就係鼻水倒流，塞住喉嚨，哮喘發作。唉~~家陣食多杯雪糕都出事，唔通空氣污染指數高的日子唔返工咩？
在家中休息，開始發現自己欠了好多人！SAMUEL，MICHAEL，JOLENE，KIT。我好想同你地出街玩呀！呢排既生活太正常，我快瘋癲啦！每天放工，總有種興奮的心情，期待星期六和星期日的來臨。圖書館實在是一個既沉悶，又欠挑戰性的工作地方。所以呢，我決定不再續約，距離合約完結只有四天，非常昐望合約終結的一天。
回想起來，星期六Herus到我家一齊打魔獸。中午先與他去了一間在家附近新開的日本餐廳「大壽司和食」。食物的水準蠻不錯，但價錢就比較昂貴。譬如兩件壽司已經十元。所以我們叫了汁燒雞肉捧串拉麵、燒原條鰻魚飯定食和正宗煎日式餃子就索價一百零五元！太誇張了。
接著，我們回家打機。這是第一次兩人在同一地方同時上網打on-line game，而且一齊組隊打，大家一邊打，一邊商討對策。即時對話的on-line game比大家各自在家打怪和打字溝通都方便和緊張刺激。
星期日我們一班同事到俄羅斯餐廳品嚐美味又富特色的俄羅斯餐，那天好開心呀！【詳細情況將記載 - 特報下：俄國餐一試難忘】
事後心情/難忘事：多謝Henry,Hugo,Horace同Karen今天不斷打電話來問候我，只可惜我開了震機，聽唔到！ ^^
今日金句：有得休息要珍惜！
No comments :
Post a Comment