新的一天

事發時間：上午九時至六時
事發地點：香港大學圖書館
事發心情：開心
情緒指數：一般
目擊證人：成班同事，Henry，Hugo
事發經過：

第一天番工，早到半小時。等埋Henry和Hugo之後就正式開工。雖然只係負責抹書，但做左八小時對手都有少少酸痛呀！最慘就好多書都厚到好似字典咁，又重又大本，又要抺得快同乾淨。搞到變左機械人！

食lunch時終於可以同一班同事傾下計...誰不知個個都只係16-19歲。唉~~我係最老的。合約同員工證仲未有，出入都好煩，成人要打攪人，真係唔好意思。

事後心情/難忘事：非常期待八月一日大家一齊返工搵錢！

今日金句：一日之計在於晨，一生之計在於勤！