係未食野的情況下趕頭趕命去鑽石山的盲人中心做義工。上次的訓練因為我要做學生代表開會而改左今日下午...點知拍片遲左半粒鐘！當我到的時候生日會差唔多要開始啦！真激氣，訓練唔到唔係問題，但歐姑娘(該中心的工作人員)就罵我！「我最憎人遲到...」之後叫我只可以觀察，唔可以參與。
接著整個下午的盲人生日會總共有30多位失明會員出席，而義工都有30多位！場面好誇張呀。生日會開始！首先就係有幾個遊戲，傳搖鼓、拾下拾下和十兄弟。拾下拾下呢個遊戲係要義工拿著個大膠袋俾會員用手搵一些主持指示的物件，如乒乓球、鉛子筆等....遊戲期間，0個位歐姑娘走過來話我地太慢，成日輸比其他組，又係度手指指，話我地唔幫會員搵埋俾佢地！豈又此理，幫佢地搵咪出貓？咁樣玩法遊戲就無意思！拿第一都無用。
十兄弟是每組有十個氣球，在不准以雙手拿著的情況下，需要以最短的時間由起點帶到終點。當到我地組的時候，0個位多事的歐姑娘又走來搞破壞，又話我地要太慢，唔好傾咁耐。喂！唔駛要時間商量對策呀！一組比一組快，我地唔同d失明會員商量點得呀！由我地話事咪即係睇低佢地能力？跟住仲手指指叫我上前面帶住他們！又一個豈又此理，已經有兩位義工係前面啦！應該有個打尾陣呀......而且要我聽你指示？你又唔係我地組.....我忍佢.....
之後生日會的重頭戲生日歌、生日禮物、大食會開始。席間我要不斷幫會員送上食物，眼看會員豐富的食物，自己連早餐都未食！又已經四點左右，真係想食埋一份。後來先知，原來義工有三文治作酬勞，咁都好d......當我將最美味的三文治送向口中時，有三位女義工走來我身邊，她們都是中六生，其中一位更主動向我說中間位女同學話「我好靚仔」！想攞我電話！......啊.......當前呆了........時下的年青少女真係非常主動.......咁當然就係交換電話啦.......hehe......^^
生日會過後我負責帶一對失明情侶到地鐵站坐車走，沿路和她們傾計知道好多失明人士的體驗。對我今次的功課終於有些幫助.......看看手錶，時間六時半，我又有另一個約會啦！~~~
2 comments :
Your are Nice. And so is your site! Maybe you need some more pictures. Will return in the near future.
»
Interesting website with a lot of resources and detailed explanations.
»
Post a Comment