急凍都市

唔講唔覺，這一個星期的氣溫就由30多度降到現在的20多度，短短的一星期就下降十度，真係令人難以想像個秋天係咪去左「蛇王」。就連我都跟住病鬼左，又哮喘又傷風。唉~~只怪平時太小運動，患的都是都市病。所以你地要小心身體，著多件衫！

星期六去左HERUS屋企玩順便過夜，真係ABCD，新界地方居然凍過市區咁多，著唔夠衫的我凍到傻左！低兩三度真係差好遠呀！夜晚同佢係屯門附近食野，起初諗住打邊爐，不過最後都係食煲仔菜，嘩！凍冰冰食煲仔菜簡直人生一大快事，食完暖番d啦！之後上佢家睇碟 --《恐怖蠟像館》，看罷以後都咪叫我去蠟像館參觀，點知裡面係咪真人.... >_<

星期日約左HNERY同HUGH下午買電腦，點知自己凍到起唔到身，我大遲到呀！好彩佢地無介意，之後買左電腦零件然後去食飯。不過估都估唔到我地去粥舖任飲任食都只係每人25蚊！好平呀，我地仲食唔少野，加埋糖水都只係75蚊埋單，我諗佢地下次見到我地都會落閘唔做生意！hehe...接著就上HENRY屋企整電腦，唉~~~搞左成粒鐘先可以開始幫佢裝windows....真係唔好意思啦！結果搞到十二點半都仲未完成，為了坐地鐵番去，只可以裝住一半先！我下星期再幫你裝埋其他啦！你等我啦。